『嗯……』
『所以，我選擇左跟隨容祖兒，亦都選擇左跟隨「佢」。』
『嘿...』我輕輕嘆了口氣, 勉強的笑了笑。
『原來我喺你心目中，就好似楊千嬅咁，係一個咩都唔識，咩都唔叻既大笑姑婆。』
『唔係架…』她說。
『我雖然依家唔再係楊千嬅既fans，雖然佢的確係一無是處。但我相信，有朝一日佢一定會做返齣好戲俾大家睇，你都係一樣。』
『嗯…』
『ＳＯＲＲＹ，希望你明白。』
『咁即係你唔會再做返楊千嬅fans，我地亦唔會再見面，係唔係？』我鼓起勇氣，將心底裡最後一個問題問出。
『嗯…』
『…』
『或者有朝一日，如果楊千嬅可以囉到金像獎最佳女主角，我就會做返佢既fans。到時候，或者我地會再見返面都未定 。』鄭列瓊笑道。
『哈哈…佢d戲，想囉最佳女主角，點可能呀…』
『哈哈…我都係講下姐…....』
『鄭列瓊……』
不知如何，我腦中驀然間「噔」的一聲，竟像看透了所有世事，一下子老了十歲。
鄭列瓊喜歡我也好，不喜歡我也好，有什麼干係？
她既然選擇了要走的路，我也有自己要走的路，又何必逕自悲傷?
『咁我祝你得償所願！』這句話由衷而發，沒半點悲傷，半點留戀。
『多謝你，均。』她笑。
